Description
This is a lay summary of the article published under the DOI: 10.1101/2021.02.11.429702
Amharic translation of DOI: 10.1101/2021.02.11.429702
የጸረ-ተባይ ተጋትሮ ለበሽታ አስተላላፊ-ወለድ ህመሞች ቁጥጥር እየጨመረ የሚሄድ የስጋት ጫናን ያመጣል እንዲሁም ለወቅታዊ ምርጫ ፈጣን የዝግመተ ለውጥ ምላሾችን ለማሳየት በተፈጥሯዊ የትንኝ ዘሮች አስደናቂ አቅም ላይ ግንዛቤ ይሰጣል፡፡
የወባ ቁጥጥር በፓይሬትሮይድ ጸረ-ተባይ መድሃኒቶች ስምሪት ላይ በዋነኛነት ለረዥም ጊዜ የሚቆዩ የጸረ-ተባይ አጎበሮች (ረ.ጊ.የ.ጸ.ተ.አ) ላይ በከባድ ሁኔታ ጥገኛ ሆኖ ሳለ ፣ ነገር ግን ባለፉት 15 አመታት ውስጥ ከ ረ.ጊ.የ.ጸ.ተ.አ አስደናቂ መስፋፋት እና መከፋፈል ጋር ተያይዞ በዋና የወባ በሽታ አስተላላፊ ትንኞች ውስጥ ያለው የተጋትሮ አቅም ጨምሯል፡፡
የፓይሬትሮይድን ውጤታማነት ሙሉ በሙሉ ለማሸነፍ በተቃረቡት የወባ ትንኞች ውስጥ የሚገኙትን ከፍተኛ ደረጃ ተጋትሮ ያላቸውን የጄኔቲክ ክንውኖችን መለየት የተጋትሮ አቅም-ሰባሪ መሳሪያዎችን ለማዳበር እና ለማሰማራት ወሳኝ ነው፡፡
የአኖፊለስ ጋምቢ 1000 ጂኖሞች (Ag1000g) ዳታን በመጠቀም ጥቂት በተለምዶ የመቋቋም አዝማሚያ ያላቸውን ጨምሮ ወደ ሳይቶክሮም ክምችት የተሰበሰቡ P450 ጂኖች በቅርቡ ተመርጠው ከታሰሱ የኡጋንዳ ትንኞች አግኝተናል፡፡
ተጨማሪ ምርመራ የሶስትዮሽ ቅይርታን ያካተተ ሃፕሎታይፕን፣ በCyp6p4 (I236M) ውስጥ የማይመሳሰል ነጥብ ቅይርታን፤ ሽቅብ የገባ ከፊል ዛንዚባር-መሰል ተንቀሳቃሽ ንጥረ ነገርን (ተ.ን) እና የCyp6aa1 ግልባጭ ጂንን አሳይቷል፡፡
ቅይርታዎቹ በቅርብ ጊዜ በአና. ጋምቢ ከኬንያ-ዩጋንዳ ድንበር ክልል በቪክቶሪያ ሃይቅ አካባቢ የተገኙ ይመስላል፤ እጥፍ- ቅይር(ዛንዚባር-መሰል ተ.ን እና Cyp6p4-236M) በሶስትዮሽ ቅይር ሃፕሎታይፕ(የCyp6aa1 ብዜትን ጨምሮ) ደረጃ በደረጃ በመተካካት ወደ ዲሞክራቲክ ሪፓብሊክ ኮንጎ እና ታንዛኒያ ተስፋፍቷል፡፡
ሶስትዮሽ- ቅይር ሃፕሎታይፕ እየጨመረ ከሚሄደው ፓይሬትሮይዶችን ማብላላት ከሚችሉ የጂኖች አካሄድ እና በብዛት ጥቅም ላይ የዋሉትን ረ.ጊ.የ.ጸ.ተ.አ ጸረ-ተባይ መድሃኒቶችን ከሁሉም በላይ ደግሞ ዴልታሜትሪንን በመቋቋም ጠንከር ያለ ትንበያ ካላቸው ፓይሬትሮይዶች ጋር በጠንካራ ሁኔታ የተቆራኘ ነው፡፡
በዋነኛነት በሲነርጂስት ፓይፐሮኒል በቶክሳይድ (ፓ.በ) በጋራ ለታከሙት አጎበሮች ሲጋለጡ የሶስትዮሽ-ቅይርታ ተሸካሚ ትንኞች ሞት ከፍ ብሎ ነበር፡፡
የሶስትዮሽ- ቅይር ሃፕሎታይፕ ድግግሞሽ በሃገሮች ውስጥ በየቦታው ተለዋዋጭ ሆኖ ሳለ ይህም ውጤታማ የአመልካች ስርአት በመላ አፍሪካ ሃገራት በፓ.በ-ፓይሬትሮይድ በጋራ-የታከሙትን ረ.ጊ.የ.ጸ.ተ.አ አጎበሮች ውሱን አቅርቦቶችን የማሰማራት ውሳኔ ምሪትን ይጠቁማል፡፡
በመላው አፍሪካ በአና. ጋምቢ የCyp6aa1 ጂን ብዜት የተለመደ ነው፤ እናም እንደ ኢንዛይሞቹ የሜታቦሊክ እንቅስቃሴ ለከፍተኛ ደረጃ የፓይሬትሮይድ ተጋትሮ ጠቃሚ መመርመሪያ ሊሆኑ ይችላሉ፡፡
በጄኔቲካዊ መላመድ አንዳንድ ወባን የሚያሰራጩ ትንኞች የተለመዱ ጸረ-ተባይ መድሃኒቶችን የሚቋቋሙ ሆነዋል፡፡
ይህ ማለት አብዛኛውን ጊዜ በወባ ትንኝ አጎበር ውስጥ ከተካተቱ ገዳይ ኬሚካሎች ይተርፋሉ፤ ይህም ብዙ ሰዎች ለወባ በሽታ አደጋ እንዲጋለጡ ያደርጋል፡፡
ተመራማሪዎች አሁን ይሄንን መላመድ ሊገፋፉ የሚችሉ ጥቂት ጄኔቲካዊ ቅይርታዎችን ለይተው አውቀዋል፡፡
ፓይፐሮኒል- በቶክሳይድ (ፓ.በ) የተባለ ሌላ ኬሚካል ወደ ወባ ትንኝ አጎበሮች መጨመር ቢያንስ አንድ አይነት ተቋቋሚ የትንኝ ዝርያዎችን ለመከላከል ይረዳል ይላሉ፡፡
ወባ አንዳንድ የትንኝ ዝርያዎች የሚሸከሙት ገዳይ በሽታ ነው፡፡
በብዛት ጥቅም ላይ ከሚውሉት እና በጣም ውጤታማ ከሆኑት የወባ መከላከያ መሳሪያዎች አንዱ በፓይሬትሮይድ የሚታከም ለረዥም ጊዜ የሚቆይ አጎበር ነው፡፡
ፓይሬትሮይድ ጸረ-ተባይ መድሃኒት ሲሆን እንደ ትንኞች ዓይነት ነፍሳቶችን ለመግደል የሚያገለግል ንጥረ ነገር ነው፡፡
በሚያሳዝን ሁኔታ ብዙ ትንኞች ከፓይሬትሮይድ መዳንን ተላምደውታል፤ ይህ ማለት እነዚህ አጎበሮች በተወሰኑ አካባቢዎች ወባን ለመቆጣጠር ውጤታማ መሆን አቁመዋል ማለት ነው፡፡
ተመራማሪዎቹ በተቋቋሚ ትንኞች ዲኤንኤ ውስጥ ፓይሬትሮይድን ለማምለጥ እንዲችሉ ያደረጋቸው ምን አይነት ለውጥ እንደሆነ በእርግጠኝነት ማወቅ ፈልገው ነበር፡፡
ከዚህ አዲስ የፓይሬትሮይድ የተጋትሮ ባህሪ በስተጀርባ ያሉትን የተወሰኑ ጂኖችን እና ተጋትሮው እራሱ እንዴት እንደሚሰራ (ክንውኖቹን) ለመለየት ፈልገው ነበር፡፡
በሌላ አነጋገር ኬሚካሉ አብዛኛውን ጊዜ ገዳይ ስለሆነ የትንኙ ሰውነት እንዴት ፓይሬትሮይድን ማዋሃድ ወይም ማብላላት እንደቻለ ማወቅ ፈልገው ነበር፡፡
እነዚህ ተመራማሪዎች በኬኒያ፣ በኡጋንዳ እና በሌሎች አፍሪካ ሃገራት የተለመዱትን የአኖፊለስ ጋምቢ ትንኞችን ጂኖች መርምረዋል፡፡
የተወሰኑ ጂኖችን እና ከዚህ ትንኝ ፓይሬትሮይድን መቋቋም ጀርባ ያሉ ክንውኖችን ለይተው ካወቁ በኋላ ትንኞቹ አሁንም ይተርፉ እንደሆነ ለማየት የተለየ ኬሚካል ወደ አጎበሮቹ ለመጨመር ሞክረዋል፡፡
ተመራማሪዎቹ ትንኞቹን ከፓይሬትሮይድ ለመዳን የሚያስችሏቸውን ሶስት ጄኔቲካዊ ቅይርታዎችን አግኝተዋል፡፡
በተጨማሪም ይህ የሶስትዮሽ ቅይርታ ጸረ-ተባይ ማጥፊያው እንዲብላላ የሚረዳውን የጂኖች አካሄድ የሚጨምር ይመስላል፤ እና ፓይሬትሮይዶችን የመቋቋም ችሎታን አጥብቆ ይተነብያል ይላሉ፡፡
ቅይርታው የተነሳው በቪክቶሪያ ሃይቅ አቅራቢያ ባለው የኬንያ- ኡጋንዳ ድንበር አካባቢ ይመስላል፡፡
በተጨማሪም ይህ የሶስትዮሽ ቅይርታ ጸረ- ተባይ ማጥፊያው እንዲብላላ የሚረዳውን የጂኖች አካሄድ የሚጨምር ይመስላል፤ እና ፓይሬትሮይድን የመቋቋም ችሎታን አጥብቆ ይተነብያል ይላሉ፡፡
በመጨረሻም አጎበሮችን በሚያክሙበት ጊዜ ፓይፐሮኒል-በቶክሳይድ (ፓ.በ) የተባለውን ኬሚካል ወደ ፓይሬትሮይድ መጨመር የእነዚህን ትንኞች የመቋቋም አቅም ለማሸነፍ የበለጠ ውጤታማ እንደሆነ ወስነዋል፡፡
ቀደም ሲል የተደረጉ ጥናቶች ሳይንቲስቶች ከጸረ-ተባይ መድሃኒቶች ተጋትሮ ጀርባ አሉ ብለው በሚያስቧቸው ጥቂት የተለዩ ጂኖች ላይ ያተኮሩ ነበሩ፡፡
ተቋቋሚ በሆኑ ትንኞች ውስጥ የተለመዱ አዳዲስ ቅይርታዎችን ለማግኘት ይህ ጥናት በሺህ የሚቆጠሩ ጂኖችን በመፈተሽ ፍለጋውን አስፍቷል፡፡
ተመራማሪዎቹ ያገኟቸው ቅይርታዎች ሌሎች ምን ተጽእኖዎች ሊኖራቸው እንደሚችል ወይም እያንዳንዱ ቅይርታ እንዴት የፓይሬትሮይድ ተጋትሮን እንደሚነካ በእርግጠኝነት ከጥናታቸው ማወቅ አይቻልም ይላሉ፡፡
ሌሎች ተመሳሳይ ቅይርታ ያላቸው የትንኝ ዝርያዎች ለፓይሬትሮይድ ጸረ-ተባይ መድሃኒቶች ከፍ ያለ ተጋትሮ አላቸው ይላሉ፡፡
ሆኖም ግን እንደ ፓ.በ ያለ ጸረ-ተባይ መጨመር እነዚህን ሌሎች ተቋቋሚ ዝርያዎች ይገድል እንደሆነ ግልጽ አይደለም፡፡
በዚህ ጥናት ላይ የኬንያ፣ ኡጋንዳ፣ ኮንጎ፣ ታንዛኒያ፣ ኪሊፊ፣ እንግሊዝ እና አሜሪካ ተመራማሪዎች ተባብረዋል፡፡
ትኩረታቸውበኬንያ-ዩጋንዳድንበርበሚገኙትንኞችላይነበር፤ፓ.በንወደአጎበሮችየመጨመርአዲስሃሳባቸውምየብዙአፍሪካውያንንህይወትሊታደግይችላል፡፡