Ìyàtọ̀ ìhun ajẹmẹ́yọ-ìran 6.5kb kan ń ran èrò ìgbógun ti ìpakòkòrò tí ó tipasẹ̀ P450 nínú ìbà tih ó ń dín agbára àwọn ìbùsùn kù.

Ṣíṣe àlàyé tó yè kooro nípa àtiwáyé ajẹsára tó díjú tí àwọn ẹ̀fọn ń lò fún ìpakòkòrò ṣe pàtàkì láti mú iṣẹ ṣíṣe ìpakòkòrò dára.

Ní ọ̀gangan yìí, a fọ́ ipa ìyàtọ̀ ìhun (SV) 6.5kb ní gbígbé agbára ìdojúkọ párẹ́tọ́ìdì sátókóòmù P450 nínú ibà Anopheles funestus.

Odidi apó jíìnì tí wọ́n ṣà tí wọ́n ṣì tò ló ṣàwárí àdàpọ̀ jíìnì 6.5kb SV nínú àlòtúnlò àwọn CYP6P9a/b P450 lára àwọn àwọn ẹ̀fọn tí wọ́n lágbára ìdojúkọ párẹ́tọ́ìdì bí wọ́n ṣe ń gbé wọn láti ibìkan sí òmíràn.

Ìtúpalẹ̀ àwọn agbátẹrù fi iṣẹ́ ìlọ́po 17.5 (P<0.0001) hàn lórí èyí tí ó ní SV yàtọ̀ sí èyí tí kò ní.

Ìṣọ̀nà qRT-PCR tí ó sọ CYP6P9a/b fún ìran SV náà fara mọ́ ipò rẹ̀ gẹ́gẹ́ aṣàmúdúró níwọ̀ ìgbà tí ó jẹ́ pé àwọn SV+/SV+ ní ìapa tí ó gbòòrò lórí àwọn gíìnì náà ju ti àwọn ẹlẹ́yọ kan lọ SV+/SV- (1.7-2-fold) àti ẹllẹ́yọ kan SV-/SV- (ìlọ́po 4-5).

Pípilẹ̀ wíwo àkókónú PCR fi hàn pé ìbáṣepọ̀ tí ó gbópọn wà láàrin SV yìí àti agbára-ìdojúkọ párẹ́tọ́ìdì (SV+/SV+ vs SV-/SV-; OR=2079.4, P=<0.001).

6.5kb SV pọ̀ ni apá gúúsù ilẹ̀ Áfíríkà (80-100%) àmọ́ kò sí rárá ní ìlà-oòrùn/ìwọ̀-oòrùn àti ààrin gbùngbùn Áfíríkà.

Àyẹ̀wò-ìdànwo inú héré fi hàn pé àwọn ẹ̀fọn SV tí gíìnì wọn jọra ni àǹfàní tó jọjú láti yè é bí wọ́n bá kọlù àwọn àwọ̀n (OR 27.7; P < 0.0001) tí a fi párẹ́tọ́ìdì tọ́jú kí wọn ó sì mu ẹ̀jẹ̀ ju bí ó ti yẹ lọ.

Síwájú si, ìdojúkọ àwọn gíìnì onílọ̀ọ́po mẹ́ta (SV+/CYP6P9a_R/CYP6P9b_R) ní agbára ìdòjúkọ tí ó g tí ó sì lè jásí ipa láti ye àwọ̀n ìpẹ̀fọn tí wọ́n lo ìlọ́po mẹhta èròjà láti pèsè, èyí tí ó ṣàfihàn ìmọ́lára tó ga.

Ìwádìí yìí mẹ́nu ba pàtàkì ipa ìyàtọ̀ ìhun nínú ìgbèǹde agbára-ìdojúkọ ìpakòkòrò nínú àwọn afabà àti ipa burúkú wọn lórí bí àwọn tí wọ́n fi párẹ́tọ́ìdì tọ́jú ṣe ń ṣiṣẹ́.

Àwọn onímọ̀ sáyẹ́ńsì tọ́ka sí àyípadà DNA tí ó ń fún àwọn ẹ̀fọn ilẹ̀ gúúsù Áfíríkà ní àǹfààní láti ye ìpakòkòrò.

Àwọn onímọ̀ sáyẹ́ńsì ti tọ́ka sí àwọn DNA tí ó ran àwọn ẹ̀fọn láti dojúkọ àwọn kẹ́míkà tí ó yẹ kí ó pa wọ́n (ìpakòkòrò).

Ó dà bí ẹni pé ìfàgùn DNA yìí ń ṣègbè fún àwọn gíìnì tí wọ́n ń jẹ́ kí àwọn ẹlfọn apá gúúsù Áfíríkà lè gbà párẹ́tọ́ìdì dáadáa, tí ó jẹ ìpakòkòrò tí ó wọ́pọ̀ tí wọ́n ń fi sí àwọn lahti di àwọn ẹ̀fọn lọ́wọ́ nípa títan ibà káàkiri àwọn ènìyàn.

Àwọ̀n tí fi ìpakòkòrò tọ́jú rẹ̀ ni ọ̀nà kan gbòógì láti dẹ́kun àwọn ẹ̀fọn tí wọ́n ní ibà ṣè lè tàn án ká sára àwọn ènìyàn.

Àmọ́ sa, ó jọ bí ẹni pé àwọn ẹ̀fọn ní kòpẹ́-kòpẹ́ ń rù ú là kódà bí wọ́n bá ko apakòkòrò burúkú.

Àwọn onímọ̀ sáyẹ́ńì fẹ́ wo ọ̀gangan ìdí ajẹmọ́bàólọ́jì tí ó ń tì agbára-ìdojúkọ ìpakòkòrò lẹ́yìn kí wọn ó lè túnbọ̀ ṣe àwọn àwọn ìpẹ̀fọn kí wọn ó dára sí i.

Nínú ìwádìí yìí, àwọn aṣèwádìí fẹ́ ṣàfihàn bí ìfàgùn àyípadà DNA nínú àwọn ẹ̀fọn ibà ṣe ń ṣe àlékún agbára ìdojúkọ sí ìpakòkòrò párẹ́tọ́ìdì.

Wọ́n tún fẹ́ mọ̀ bóyá ìyípadà ajẹmọ́ran yìí wà nínú àwọn ẹ̀fọn ní àwọn agbègbè mìíràn ní Áfíríkà.

Àwọn aṣèwásìí ṣe ìtúpalẹ̀ DNA onírúnrú òǹkà iye ẹ̀fọn, wọ́n sì wọ bí ìdojúkọ wọn sí párẹ́tọ́ìdì ṣe tó.

Wọ́n ṣe àmúlò àwòṣe oníkọ̀mpútà, àyẹ̀wò-ìdáwò inú láàbù, àti fífi ẹ̀fọn ṣe àṣedánwò nínú ahéré kí wọn oh lè fẹ́nu kò lórí ìpinnu wọn.

Wọ́n rí i pé wíwà DNA náà ló jásí kí àwọn ẹ̀fọn ibà lè ṣe ìgbédìde ìdojúkọ sí àwọn tí wọ́n ti fi apakòkòrò dáàbòbò.

Gbogbo àwọn ẹ̀fọn tí wọ́n dojúkọ párẹ́tọ́ìdì ní àyípadà DNA fífẹ̀.

Àmọ́ ó dùn mọ́ni pé, láti apá gúúsù ilẹ̀ Áfíríkà ni àwọn ẹ̀fọn yìí ti wá, àwọn àyípadà náà kò sí nínú àwọn ẹ̀fọn oníbà tí ó wà ní ìwọ̀-oòrùn, ìlà-oòrùn, àti ààrin-gbùngbùn Áfíríkà.

Àwọn onímọ̀ sáyéńsì ti mọ̀ tẹ́lẹ̀ pé àwọn ẹ̀fọn tí wọ́n ń fa ibà dojúkọ àwọn kẹ́míkà tí à ń lò láti pa wọ́n, ìwádìí yìí ṣàfihàn bí wọ́n ṣe ń yẹra fún apakòkòrò ní ìpele ajẹmẹ́yọ-ìran.

Àwọn olùṣèwádìí náà ti ṣèdá ìlànà tuntun mìíràn láti mójú tó DNA nínú ẹ̀fọn, léyìí tí yóò wúlò fún àwọn akóṣẹ́mọṣẹ́ sáyẹ́ǹsì tí wọ́n fẹ́ ṣiṣẹ́ lórí rẹ̀ lọ́jọ́ọwájú.

Àwọn aṣèwádìí dábàá pé kí àwọn iṣẹ́ ọjọ́-ìwájú ṣe àwòjinlẹ̀ irú àwọn àyípadà DNA wọ̀nyí àti bí wọ́n se nípa lórí agbára-ìdojúkọ gíìnì tí àọn ẹ̀fọn oníbà ní.

Ìwádìí tí àwọn aṣèwádìí ilẹ̀ Cameroon ṣe yìí fi hàn pé a nílò àwọn ọ̀nà tuntun láti darí ìtànkálẹ̀ ibà, pàápàá jùlọ ní apá gúsù Áfíríkà, níbi tí a ti ní àwọn ẹ̀rí DNA tí ó fi ìdí tí àwọn ẹ̀fọn fi ń ráàyè pẹ́ àwọ̀n tí wọ́n ti fi apakòkòrò sí sílẹ̀.

Àwọn onímọ̀ sáyẹ́ńsì tọ́ka sí àyípadà DNA tí ó ń fún àwọn ẹ̀fọn ilẹ̀ gúúsù Áfíríkà ní àǹfààní láti ye ìpakòkòrò

Ìyàtọ̀ ìhun ajẹmẹ́yọ-ìran 6.5kb kan ń ran èrò ìgbógun ti ìpakòkòrò tí ó tipasẹ̀ P450 nínú ìbà tih ó ń dín agbára àwọn ìbùsùn kù.

Àwọn onímọ̀ sáyẹ́ńsì tọ́ka sí àyípadà DNA tí ó ń fún àwọn ẹ̀fọn ilẹ̀ gúúsù Áfíríkà ní àǹfààní láti ye ìpakòkòrò.

Connections