Skip to main content
SearchLoginLogin or Signup
ZuluDecolonising Scientific Writing for Africa
Published on Oct 02, 2023

Abacwaningi bathi igciwane le-COVID-19 lingase liguquke kancane, kwenze ukuthuthukiswa komgomo kube lula

Zulu translation of DOI: 10.3390/pathogens9100829

by ST Communications
Published onOct 02, 2023
Abacwaningi bathi igciwane le-COVID-19 lingase liguquke kancane, kwenze ukuthuthukiswa komgomo kube lula
·
key-enterThis Pub is a Translation of
Genomic Diversity and Hotspot Mutations in 30,983 SARS-CoV-2 Genomes: Moving Toward a Universal Vaccine for the “Confined Virus” (lay summary)
by ScienceLink
  • Published on Jun 05, 2023
  • africarxiv.pubpub.org
Description

This is a lay summary of the article published under the DOI: 10.3390/pathogens9100829

I-Genomic Diversity kanye ne-Hotspot Mutations kuma-30,983 SARS-CoV-2 Genomes:

Ukuqhubekela Emgomeni Wamazwe Omhlaba “Wegciwane Elivalekile”?

Abstract

Impathamhlaba i-COVID-19 belulokhu luqhubeka kusukela lwaqala ngasekupheleni kukaNovemba 2019 eWuhan, eChina.

Ukuqonda nokuqapha ukuguquguquka kofuzo kwegciwane, izici zalo zendawo, nokuzinza kwalo kubaluleke kakhulu ekulawuleni ukusabalala kwesifo futhi ikakhulukazi ekuthuthukisweni komgomo wendawo yonke ohlanganisa zonke izinhlobo ezibhebhethekayo.

Kulo mbono, sihlaziye izinhlobo zofuzo ze-SARS-CoV-2 eziphelele ezingama-30,983 ezivela emazweni angama-79 akumazwekazi ayisithupha futhi saqoqwa kusukela zingama-24 kuZibandlela wezi-2019, kuya kumhla ziyi-13 kuNhlaba wezi-2020, ngokusho kwesizindalwazi se-GISAID.

Ukuhlaziya kwethu kuveze ubukhona kwezindawo ezihlukile ze-3206, ezinokusabalalisa okufanayo kwezinhlobo zokuguqulwa kwezakhi ezindaweni ezihlukene.

Ngokuphawulekayo, imvamisa ephansi yokuguqulwa kwezinguquko eziphindaphindiwe iye yabonwa; izinguquko eziyi-169 kuphela (5.27%) zande ngo-1% kwama-genomes.

Nokho, izindawo eziyishumi nane ezinezinguquko zegciwane kakhulu (<10%) sezikhonjiwe ezindaweni ezingafani ezihambisana ne-genome yegciwane; ayisishiyagalombili ku-ORF1ab polyprotein (ku-nsp2, nsp3, isizinda se-transmembrane, i-RdRp, i-helicase, i-exonuclease, ne-endoribonuclease), ama-nucleocapsid protein, kanye ne-protein ngayinye kwamathathu: 

i-Spike, i-ORF3a, ne-ORF8.

Ngaphezu kwalokho, ukuguqulwa okungafanii okungu-36 kukhonjwe esizindeni sokubopha i-receptor-binding (RBD) yephrotheni ye-spike enokwanda okuphansi (<1%) kuwo wonke ama-genome, mane kuphela angathuthukisa ukubophezela kwe-SARS-CoV-2 yephrotheni ye-spike kumamukeli we-ACE2 wabantu.

Le miphumela kanye nokuhluka kwe-intra-genomic ye-SARS-CoV-2 kungakhombisa ukuthi ngokungafani negciwane lomkhuhlane noma amagciwane e-HIV, i-SARS-CoV-2 inenani eliphansi lokuguquka okwenza ukuthuthukiswa komgomo osebenzayo womhlaba wonke kube maningi kakhulu amathuba.

Abacwaningi bathi igciwane le-COVID-19 lingase liguquke kancane, kwenze ukuthuthukiswa komgomo kube lula

Ngo-2020, abacwaningi babone izinguquko ezincane kwi-genome ye-SARS-CoV-2 isabhebhetheka emhlabeni wonke.

Ososayensi bathe uma igciwane liba nezinguquko ezimbalwa ngokuhamba kwesikhathi, ukwenza umgomo owodwa we-COVID-19 kungaba lula.

Ngaleso s’khathi, igciwane le-COVID-19, SARS-CoV-2, belibhebhetheka ngokushesha futhi libulala abantu, ososayensi bebesebenza kanzima ukwakho umgomo osebenzayo.

Balalndele izinguquko kwi-genome yegciwane babheka ukuthi zishesha kangakanani ezindaweni ezihlukene.

Ulwazi beluhlose ukubasiza ngokugada isifo se-COVID-19 kangcono, nokwakha umgomo ongasebenza kuzo zonke izinguquko zegciwane.

Kulolu cwaningo, abacwaningi bahlaziye izinguquko ze-genome ye-SARS-CoV-2 ezindaweni ezahlukene emhlabeni.

Baphinde babheka amathuba okwenza umgomo ozolwa nazo zonke izinguquko ze-SARS-CoV-2 emhlabeni wonke.

Abacwaningi baqoqe imininingwane ephelele ye-SARS-CoV-2 emazweni awu-79 emazwenikazi awu-6 base bewahlaziya.

Bahlaziye inhlobo nezinguquko ezivamile kwe-genome ngayinye.

Abacwaningi baphinde baqhathanisa ama- genomes e-SARS-CoV-2 emazweni ahlukene base bebheka ubuhlobo kulezi zinguquko.

Imiphumela yabo iveze izinguquko ezincane kuma-genomes e-SARS-CoV-2 emazweni acwaningiwe.

Amasampula am’balwa (5.27) abenoshintsho adlula u-1% kuwo onke ama-genome.

Kuwo onke amazwekazi ayi-6, abacwaningi babike izehlakalo ezidale izinguquko ezenzeka endaweni eyodwa kwi-genome yegciwane.

Ososayensi bathi izinguquko eziningi zivela endaweni eyodwa kwi-genome, izinhlobo zegciwane ezitsha zingavela.

Abacwaningi babike ukuthi u-67.96% wazo zonke izinguquko zamagenomes abazobonile ekuhlaziyeni kwabo kungaba nomthelela ekulandelaneni kwamaphrotheni egciwane, kodwa kungashintshi ukusebenza kwayo.

Ingxenye eyodwa yezinguquko ezintathu ingaba nomthelela esakhiweni sephrotheni yegciwane le-COVID-19.

Abacwaningi bathole izinguquko ezi-2 kuphela kwi-genome yegciwane zivame emazwenikazi ayi-6; ezinye bezihlukile emazwenikazi.

Imiphumela yabo iveze nokuthi izinhlobo zegciwane e-Afrika bezihlobene eduze nalezi zamanye amazwekazi, zonke izinhlobo ezisemazwenikazi zavela e-Asia.

Izinhlobo zaseNyakatho neMelika, iNingizimu neMelika, nezase-Afrika zivela eYurophu, ezinye izinhlobo beziseYurophu kuphela.

Abacwaningi bathe izinguquko zokulandelana kofuzo entweni ebizwa nge ‘S protein’ azibi namthelela esakhiweni futhi ngeke zibe nomthelela omkhulu wokusebenza komgomo.

Ososayensi banentshisekelo ku-‘S protein’ uma benza imigomo ngoba iyiphrotheni esetshenziswa igciwane ukungena kumaseli womuntu.

Ucwaningo luveze ukuthi ngokungafani negciwane lomkhuhlane noma i-HIV, i-SARS-CoV-2 genome ayizange ishintshe ngokushesha, obekungenza kube lula kososayensi ukuthi bakhe umuthi wokugomela i-COVID-19 womhlaba wonke.

Abacwaningi batuse ukubhekwa okuqhubekayo kwezinguquko ze-SARS-CoV-2 ezi-genomic


Connections
1 of 5
Another Translation of Genomic Diversity and Hotspot Mutations in 30,983 SARS-CoV-2 Genomes: Moving Toward a Universal Vaccine for the “Confined Virus” (lay summary)
ተመራማሪዎች የኮቪድ-19 ቫይረስ ቀስ ብሎ ሊቀየር ስለሚችል ክትባት መስራትን ቀላል ያደርገዋል::
by ST Communications
  • Published on Oct 02, 2023
  • africarxiv.pubpub.org
Description

Amharic translation of DOI: 10.3390/pathogens9100829

Another Translation of Genomic Diversity and Hotspot Mutations in 30,983 SARS-CoV-2 Genomes: Moving Toward a Universal Vaccine for the “Confined Virus” (lay summary)
Masu binciken sun ce ƙwayar cutar ta COVID-19 na iya sauyawa a hankali, ta sa ci gaban rigakafin cikin sauƙi
by ST Communications
  • Published on Oct 02, 2023
  • africarxiv.pubpub.org
Description

Hausa translation of DOI: 10.3390/pathogens9100829

Another Translation of Genomic Diversity and Hotspot Mutations in 30,983 SARS-CoV-2 Genomes: Moving Toward a Universal Vaccine for the “Confined Virus” (lay summary)
Abanoonyereza bagamba nti akawuka ka COVID-19 kasobola okukyukakyuka mpolampola, ekyanguya omulimu gw’okukola eddagala erikagema.
by ST Communications
  • Published on Oct 02, 2023
  • africarxiv.pubpub.org
Description

Luganda translation of DOI: 10.3390/pathogens9100829

Another Translation of Genomic Diversity and Hotspot Mutations in 30,983 SARS-CoV-2 Genomes: Moving Toward a Universal Vaccine for the “Confined Virus” (lay summary)
Banyakišiši ba re baerase ya COVID-19 e ka fetoga ka go nanya, ya nolofatša go tšweletšwa ga moento
by ST Communications
  • Published on Oct 02, 2023
  • africarxiv.pubpub.org
Description

Northern Sotho translation of DOI: 10.3390/pathogens9100829

Another Translation of Genomic Diversity and Hotspot Mutations in 30,983 SARS-CoV-2 Genomes: Moving Toward a Universal Vaccine for the “Confined Virus” (lay summary)
Àwọn oníwádìí sọ pé fáírọ́ọ̀sì COVID-19 lè má tètè yírapadà, èyí tó jẹ́ kí ṣíṣe àjẹ́sára yá
by ST Communications
  • Published on Oct 02, 2023
  • africarxiv.pubpub.org
Description

Yoruba translation of DOI: 10.3390/pathogens9100829

License
Creative Commons Attribution 4.0 International License (CC-BY 4.0)
Comments
0
?
Login to discuss
comment
No comments here
Why not start the discussion?
AfricArXiv
AfricArXiv
Published with